المساعد الشخصي الرقمي

مشاهدة النسخة كاملة : [ نقـَـَـاش ] 12 سنة, معقولة عبط!! .. ؟؟


Đ я . к а ι ƒ
05-25-2011, 11:13 AM
السلام عليكم ..

شحالكم ..


شو رااايكم ..

ركزوا و شغلو هذا :sd5_4881:

هل الطالب يستفيد من دراسته في حياته العملية ..

يعني طلاب الثنوية العامه .. ,, هل يستفيد من دراسته ومن المناهج في شغله وفي الدوام .. ؟

سواء كان علمي ولا ادبي


*يتخرج من المدرسه وطموحه قانون .. انزين وين استفاد من 14 كتاب

*يتخرج فراسه طب .. شو بيستفيد من الفيزيا والرياضيات والـ........ الخ


وسوال اللي متخرجين ويداومون .. هل تطبق ما درسته يوم انت طالب الحين .. ولا كله ع روتين واحد يوميا



طبعا ما اقول كل شي تدرسه يمر مر السحاب .. لا بس الاغلب ..


ابغي رايكم في الموضوع ..


وسوالي الاخير .. كيييييف , تستفيد منه ؟

مُخمليّه
05-25-2011, 02:02 PM
يا مرحبا بـ دكتور كيف :sd5_4881:

تدري وين المشكله ..

دائماً تحط ايدك ع اليرح .. :::)

،،

درست ع قولتك 12 سنه .. و دخلت الجامعه .. و اي كلمه و اي حرف و اي شي تعلمته .. ما استفدت منه الا الرياضيات !

مناهجنا .. لازم تتغير ..
افكارنا تطورت و مفاهيمنا تغيرت .. و مناهجنا على ماهي !

لكن ما نقول غير "قدّر الله و ماشاء فعل" .. :::)


،،

متابعه لـ الردود ..

و شكراً لـ طرحك دكتور كيف {(fff)} ،،

Đ я . к а ι ƒ
05-25-2011, 02:33 PM
الله يحييج ..

ما شاء الله عليج .. دوم متابعه ..

تسلمين ع الرد ..


نتريا الباقين .. عقب ارد عليكم

المدني
05-25-2011, 03:20 PM
سلام عليكم ورحمة الله وبركاته

انا اتفق مع "مُخمليّه" من ناحية تطوير المناهج , لكن اعتقد هذا الي قاعد يصير الحين , بدأ تغير المناهج بالنسبة للأبتدائي والاعدادي بالامارات , واعتقد الثانوية جاي دورها .

اما بالنسبة للموضوع, اعتقد ما في ضرر من انه الشخص يعرف عن كل هذي المعلومات حتى ان كان ما بيستفيد
منها بوظيفته, لكن اعتبرها كثقافة عامة :141: رح يستفيد منها بأشياء ثانية
حلو انه يكون الشخص مطلع على كل هذي المواضيع :sd5_4881:
و من ناحيتي الشخصية, انا طبقت كم من شيء من الي اخذناه بالفيزياء والكيمياء
طبعا ما طبقت الا امكن 5% من الي اخذناه

لكن انا اتوقع انه المشكلة مو هنا المشكلة من انه الطلاب يتعذبون عشان يعرفون هذي المعلومات, خصوصا
انه كم المعلومات مهووووووووول , و الأساتذة يفكرون بطريقة بحيث يتوقعون انه الطالب متفرغ للدراسة فقط, صارت المدرسة دراسة بس , وما فيها اي نوع من انواع البسطة والتجارب,
معظم الناس حاطة في بالها ان المدرسة شر لابد منه.

برأي والله اعلم , اشوف انه احسن حل نخلي الطلاب يجربون بأنفسهم , يعني مثلا المرة الوحيدة الي المدرسة طبقت هذي الشيء كان رحلة جيولوجية . وانا دارس بها ثلاث سنين , مستحييييييل انسى المعلومات الي اخذتها بذاك اليوم ,كل الطلاب كانوا مهتمين بالموضوع , وكانت المتعة والدراسة مع بعض, وبعدين غير كذا ,الموضوع ما كان دراسة بس..... اكيد كل الطلاب كان لهم تجارب خاصة ذاك اليوم ,مستحيل يحصلونها و هم بالمدرسة, واكيد رح يستفيدون منها بحياتهم .

طبعا انا ما اقول انه نسوي رحلات بس.... اكيد لازم نوفر للطلاب الي يحتاجونه ليجربون كل شيء ياخذونه , وحتى يبحثون بنفسهم , طبعا الاسباب واضحة ليش و لا مدرسة اتسوي كذا.

لكني احب اهلي و ربعي:suae (44): XD

كان هنا "المدني"

مُخمليّه
05-25-2011, 03:49 PM
سلام عليكم ورحمة الله وبركاته


انا اتفق مع "مُخمليّه" من ناحية تطوير المناهج , لكن اعتقد هذا الي قاعد يصير الحين , بدأ تغير المناهج بالنسبة للأبتدائي والاعدادي بالامارات , واعتقد الثانوية جاي دورها .

اما بالنسبة للموضوع, اعتقد ما في ضرر من انه الشخص يعرف عن كل هذي المعلومات حتى ان كان ما بيستفيد
منها بوظيفته, لكن اعتبرها كثقافة عامة :141: رح يستفيد منها بأشياء ثانية
حلو انه يكون الشخص مطلع على كل هذي المواضيع :sd5_4881:
و من ناحيتي الشخصية, انا طبقت كم من شيء من الي اخذناه بالفيزياء والكيمياء
طبعا ما طبقت الا امكن 5% من الي اخذناه

لكن انا اتوقع انه المشكلة مو هنا المشكلة من انه الطلاب يتعذبون عشان يعرفون هذي المعلومات, خصوصا
انه كم المعلومات مهووووووووول , و الأساتذة يفكرون بطريقة بحيث يتوقعون انه الطالب متفرغ للدراسة فقط, صارت المدرسة دراسة بس , وما فيها اي نوع من انواع البسطة والتجارب,
معظم الناس حاطة في بالها ان المدرسة شر لابد منه.

برأي والله اعلم , اشوف انه احسن حل نخلي الطلاب يجربون بأنفسهم , يعني مثلا المرة الوحيدة الي المدرسة طبقت هذي الشيء كان رحلة جيولوجية . وانا دارس بها ثلاث سنين , مستحييييييل انسى المعلومات الي اخذتها بذاك اليوم ,كل الطلاب كانوا مهتمين بالموضوع , وكانت المتعة والدراسة مع بعض, وبعدين غير كذا ,الموضوع ما كان دراسة بس..... اكيد كل الطلاب كان لهم تجارب خاصة ذاك اليوم ,مستحيل يحصلونها و هم بالمدرسة, واكيد رح يستفيدون منها بحياتهم .

طبعا انا ما اقول انه نسوي رحلات بس.... اكيد لازم نوفر للطلاب الي يحتاجونه ليجربون كل شيء ياخذونه , وحتى يبحثون بنفسهم , طبعا الاسباب واضحة ليش و لا مدرسة اتسوي كذا.

لكني احب اهلي و ربعي:suae (44): XD

كان هنا "المدني"




كلامك صح و اييدك 100% ..

بالنسبه لـ كلامك عن تطوير المناهج .. !

هل تعتبر تحويل المناهج كلها لـ "اللغه الانجليزيه" .. تطوير ؟!

انا ما اعتبره تطوير بالعكس .. اعتبره طمس لـ لغتنا وتشويه لها ..

الشي الوحيد اللي ما تغير هو اللغه العربيه !
احس عادي يوم من الايام يحولون كتب اللغه العربيه لـ الانجليزيه .. ! :suae (47):

..

Đ я . к а ι ƒ
05-25-2011, 04:47 PM
اخوي المدني .. كلامك عين الصواب ..

بما انك في نفس مرحلتي .. شو الفائدة انك تتعلم الوراثة واسس الوراثه وانت ما بتخل طب ..

صح ولا لا

انا اللي اقصده لييش ما يكون في مقررات ..

يعني الطالب يحدد مستقبله من 10 يختار المواد وجي ..


اختي مخملية ..

اتوقع اضافة الانجلش للمادة يعتبر تطور .. اي انه الطالب يطلع ما عنده مشطله فاللغه الانجليزية

لان اللغة العربية دور الاهل .. محد يستفيد من الاعراب .. ولا اسس البلاغه والنحو

ليييش .. لانا نرمس عامّي
محد يتكلم شرات عرب قريش وجي ..


نتريا الباقين

ℓσναвℓє
05-25-2011, 05:23 PM
وعليكم السلام والرحمة ..

آمم موضوعك حلو .. و صج يبتها عالجرح

بس ما اوافقك ف كل النقاط ! :::)
ليش؟ :h_m7tarah:

لان كل المواد مرتبطة فـ بعضها .. عندي خواتي يدرسن قانون .. و يدرسن من ضمن المواد :
( علوم الي هي البيئة وملوثات البيئة والأغذية الفيتامينات + الامراض الخ.. + انجليزي + لغة عربية اعراب و جي + كومبيوتر وتكنلوجيا )

فـ ما حس ان هالنقطة سلبية ..!
وايضا الواحد ما يعرف يوم يتخرج يمكن يكون حاط فباله يدش هندسه كمبيوتر..
بس علاماته ما ساعدته .. فـ يضطر يروح فرع ثاني.. و بيكون ماخذنه بهالـ12 سنه

يعني تعال نتخيل لو انا ماحب الا الآي تي.. ومادرست غيره وتخرجت من الثانوية ومايبت علامات !
شو أسوي؟ :k055:
لازم يكون عندي خل نقول آممم بديل او شي احتياط عسب مستقبلي مايضيع
وغير هيك .. كل المواد بيفيدونا مب لازم بالدوام !
ممكن اتفيدنا بحياتنا اليومية.. نحن لو مادرسنا فالمدرسة شو فوايد الاشياء و شو اضرارها..
ممكن نكون ناس مريضة كل يوم فالمستشفيات ..

بسج بسج .. صدق طالبة علمي :g_chub:

لوول.. لا بس الي قلته منطقي وكل حد يعرفه ف مايخصه لو ادبي ولا علمي :nsait:

و هذا الي عندي .. :hehe: أتمنى ما أكون طولت بالرمسه وايد ..:ast7y:


لك شكر وتقييم ع الطرح الجميل :sd5_4844:
لا هنت .. ننتظر الزود من جداك :bye1:
و السموحة

المدني
05-25-2011, 05:24 PM
بالنسبة لـ"المخملية" :-

انا الصراحة ما عندي اي اطلاع على المناهج الحالية , لكن انا اشوف انه طالما الطلاب يدرسون اللغة العربية , ما في اي مانع تكون الكتب الثانية بالانجليزي لكن مو بشكل كامل, وصراحة هذا الي يحتاجونه, معظم الطلاب الحين ما يعرفون كوعهم من بوعهم في الانجليزي , في نفس الوقت سمعت بعض الاساتذة يشتكون من طلاب الاعدادي والاول ثانوي بأنهم ما يعرفون يقرون بالعربي . الغلط بالتطوير انه مثل ما شددوا بالانجليزي ,مفروض يشددون بالعربي.

وصراحة من الي سمعته والله اعلم , معلومات الابتدائي فوق بكثيير عن ما يحتاجونه الطلاب , الله يرحم خمس سنين واحنا عشرين صفحة من كل كتاب كيف نتوضأ ونصلي , والحين يدرسون عن الميتوكندريا والخلايا والمركبات العضوية, واشياء احنا ناخذها الحين, بس احتمال يطلعون عباقرة !
لكن مثل ما يقولون "خط رفييييع جدا جدا يفصل بين العبقرية و الجنون"

بالنسبة لـ " Dr.Kaif" :-

اسمك و مدونتك ابد ما تدل عليك , الوراثة مب من التساؤلات الي تبي جوابها ؟ و أنا قلت هذي الاشياء ما رح تستفيد منها بوظيفتك, فهي تعتبر ثقافة عامة , تستفيد منها بحياتك , على الاقل تعرف فحص قبل الزواج شو فايدته و ليش لازم تسويه . واكيد رح تمر عليك في وقت ثاني .

شيء اخير , ان صرت مهندس كمثال وما تعرف الا بالهندسة والرياضيات , الحياة مو كلها وظيفة, مو معقولة كل من حولك رح يتكلمون عن الهندسة والرياضيات ,احد من اهلك رح يكون شغله شيء ثاني ,على الاقل لما يكلمك تفهم شيصير حوليك وليش , هذي فايدة الثقافة العامة.(هذا ابسط مثال)


كان هنا "المدني"

*{ العَنــا . .
05-25-2011, 05:26 PM
السلام عليكم و رحمة الله و بركاته ,
صباحكم \ مساكم خير

.
.

عنوان , اثارة فضولي , هههههـ . .
12 نه دراسهـ , , و السؤال شو الي بيستفاد منه الطالب
عقب ما يتخصص فكذا و لا كذا . .

انا عني , صح ما أحب الدراسه و الكراف
الا نادراً و مقتنعه لو ما درست بندم و بمل , و بقول ابا الدراسه
اصلا الدراسه حلوه , لو لا ضعط المدرسات
الا تبا ها كيفها و الي تباه ها ع كيفها ,

المهم , السؤال شو يبستفاد الطالب من كله هاي سنين الدراسه
و انا اطرح عليك سؤال ثاني ,

لو تخصصت ع طول , بتعرف كيف تجمع و تطرح , تكتب و تقرا ,
بتقول عادي بتعلم كل ها و خلاص , و بتخصص

و المواد الثانيه مثل التاريخ و اللغه العربية ( ثقافه عامه)
و العربي يساعد اذا بتكتب شعر , يعلمك القواعد النحويه و غيرها

و الانجليزي , ( اظن ها المادة الكل يحتاجه بها الايام ما يحتاي اقول )
و الرياضيات ( حساب , و الارقام هي كل الحياة )
الاسلاميه ( طبعا معروف شو فايدته , يعلمنا اصول الدين و كل ها و بعد يناقش بعض المواضيع الحساسه )
و العلوم العامه ( لو بتدخل بتخصص معين , يأهلك لها الشي )
و الجغرافيا بالمثل ,

يعني , الصراحه المواد كلللللللها هاي , لها فايده
و تأهلك لـ دراستك المستقبليه , . :179:

و حتى لو ما كملت دراسته , تكون متعلم , واعي
ترا الدراسه مب بس معالومات و مع السلامه , . تراها تنمي العقل
و تشغل التنك الي هني :sd5_4881:

و الدراسه , فيها واااااااايد اشياء غير المناهج , .
يعني الدراسه مب بس مجرد كتاب و احفظ و افهم الي داخله ,
ترا بعض المواضيع و الدروس , تتعمق بأشياء ثانيه
و بعدين الدراسه لها متعتها , لو كان طريقة التدريس صح
مب بس تعال و حط المعلومه براس الطالب و اظهر و كان الله يحب المحسنين :m39b2:
الصراحه ما احب ها الطريقه في التدريس , .
و أحتقر من يسوي ها الطريقه , بس أمانه
بنقول بعض المواد تحتاج بعض من الجدية و التركيز بالدرس لا اكثر
مثل ( الرياضيات ) . .
بس لو رديت للماضي و اقتعت نفسك ما تدرس و تقعد في البيت
لا شغله و لا عمله , بتمل من الحياة . . و بتقول ابا أدرس . . :cute:

و عن رايك بأن النحو ما يفيد . .
تعال بسألك لو انت كنت بتكتب شي مثل خاطره بالفصيح
او حتى خطاب أو اذاعه , . .
كيف بتكتبها ما بتستخدم ما تعلمته قبل من نحو مفردات . .
و لا بتخلي كل كلمة تصفع الثانيه :1577454:

و عن الوراثه , تراها ثقااااافه , و تعليم ما عرفوه العلماء ,
يعني العلماء الحينه , الي اكتشفوه وين يسير . .
يروح هباءً منثورا . . ؟

لا طبعا , و بعدين لو مثلا وحده ياهل تقربك و شفت عينها خضرها ( مثلا يعني )
و عيون يدتك خضره ما بتقول طالعه ع يدتي . ؟
( امبلى بتقول و كيف عرفت انها طالعه ع يدتك , من الوراثه و الدراسه )

<~ لاحظو الأمثله انتو بس ههههههههههـ . . :ast7y3:

ةايد اشياء مفيييييييده , و انت ما تدري
الكل و انا منهم سألت عمري ها السؤال , ( شو الي استفدناه من دراستنا للفات)
و لقيت الاجابه انه تأهيل للمستقبل , :179:

تعبت و انا اكتب هههههههـ . . !

يعطيك العافيهـ , , و السموحه لو كثرنا بالرمسه . .
تستاهل التقييم ع الموضوع
و أتريا ردك ع راييي الفيلسوف هههههههـ :::)

(fff)(fff)

مُخمليّه
05-25-2011, 05:31 PM
اختي مخملية ..

اتوقع اضافة الانجلش للمادة يعتبر تطور .. اي انه الطالب يطلع ما عنده مشطله فاللغه الانجليزية

لان اللغة العربية دور الاهل .. محد يستفيد من الاعراب .. ولا اسس البلاغه والنحو

ليييش .. لانا نرمس عامّي
محد يتكلم شرات عرب قريش وجي ..


نتريا الباقين



تطور!
خلهم يحطون مدرسين نفس الناس و ما بتكون عندنا مشكله فـ الانجليزيه ..!
طبعا أتكلم عن {المدارس الحكوميه} ..
المدارس الخاصه عارفين كيف يدرسون صح .. يتخرج من عندهم الطالب مش بس يعرف انجليزي الا ضابط حتى "الاكسنت" ..

التطور مب يوم تتحول كل حياتك لـ انجليزي ..

الرسول عليه الصلاة والسلام .. فيه حديث له يحث على تعلم لغات الاقوام الثانيه لـ نأمن شرهم .. مب عشان نتطور ..!
ما قال الغوا كل شي بالعربي و حطوه بالانجليزي بس عشان "تتعلمون" ..!

عندنا مشكله "حقيقيه" في فهم أنفسنا .. في فهم {نحن من } ..
اللغه الانجليزي حالياً صارت مقياس عندنا ..

اللي يكتب بـ "الانجليزيه المعربه" صرنا نشوفه واو ..

،،


اللغة العربية دور الاهل .. محد يستفيد من الاعراب .. ولا اسس البلاغه والنحو

ليييش .. لانا نرمس عامّي



اللغه العربيه .. لغة القرآن .. اذا ما تعلمتها ما تقدر تقرأ {قرآنك} صح ..!

وصدقني .. احلف لك اذا انلغى تدريس اللغه العربيه و "خليناها" على الاهل .. تدري من اللي بيدرس عيالنا ؟؟!

"الخدامات" .. :::)

و ضاعت لغتنا و ضاعت هويتنا في سبيل شي نحن نشوفه "تطور" ,, و هو العكس تماماً ..!


،،

3D Aρρℓє
05-25-2011, 05:31 PM
حلو يوم الواحد يتعلم.. ويكون عنده ثقافه في كل شي
و عنده خبره ومعلومات كافيه حتى لو ما استفاد من
المدرسه في الشغل ولا في الجامعه

في ناس تدرس اشياء ما تخص تخصصهم بس
مجرد خبره واكتساب معلومات لا غير
ناس طول وقتها تقرا مب عشان شغلها تقرا!!..لحبها للعلم
الصراحه يوم الواحد يكون متثقف وعنده معلومات واسعه وخارجيه ..يحس بثقه في نفسه

وع فكره اسلوب المثقف والمتعلم غير عن الجاهل
حتى الكلام معاه غيير !!

صراحه موضوع النقاش احس فيه نوع من الغرابه
يمكن من هالجيل الغريب الي ما يحب شي اسمه دراسه
المدرسه مستحيل تنزل منها وما متعلم منها شي !!
وياما ناس تبا تدرس في مدرسه بس ما تروم =(
وفهمت من قصدك انه المناهج صعبه وما تستفيدون منها لصعوبة فهمها
وهاي غلطه في تحديد المستويات. .!! لازم يفكرون فيها ,,
بس ع فكره مستويات الطلاب في دولتنا يا فوق يا تحت
ما في وسط يعني الي في مستوى الاخير الله يعينهم !!
وبعد لازم يعيدون التفكير في طريقة الشرح مثل ما قال المدني
تطبيق الدرس بطريقه عملية ان كانت رحله ولا غيرها

صدقني يوم بتكبر بتعرف اهمية هالدراسه بتمر بمواقف وبتعرف



يزاك الله ع موضوعك وان شاء الله الناس تستفيد منه ^^

Đ я . к а ι ƒ
05-25-2011, 05:38 PM
اختي لفيبل ..

اتفق وياج .. بس اللي عنده هدف بيحاول قد ما يقدر اييب هالدرجه .. انا مب قصدي ابدن ابدن .. بس ياخذ المواد اللي هو يحتاجها .. وان ما قدر واايد تخصصات تقبل المواد اللي هو ماخذنها .. مب لازم اللي فراسه ..


اخوي المدني ..
انا هني لمناقشة الاراء ... يعني عادي اقول فكرة في راسي .. مب يعني مدونتي تبين اني ابغي اعرف كل كيف .. الدراسه حلوة .. ولكن خارج المدرسة .. اللي يبغي يتعلم يتعلم ويقرا ..اما اللي حاط فراسه في الجيش .. ليش يتعبونه ..


اختي النور ..
نفس ما قلت لاخوي المدني ..
انتي تتكلمين في النهاية عن الثقافة العامه .. اللي يبغي الثقافه يقرا .. وهذا ما يمنع .. واللي ما يبغي برايه ..
مب اجبار انك تعلم الناس اللي يبغونه واللي لا ..

مثلا وااحد حاط فباله شريعه .. شو بيستفيد من المتجهات ..

اتمنى تكون فكرتي وضحت


يبقى الموضوع طرح للآراء

تابعوا .. ما شاء الله عليكم:^^:

Đ я . к а ι ƒ
05-25-2011, 05:44 PM
اختي مخملية ..

يعني الحين تتحرين الطلاب فاهمين شي من العربي .. الا من رحم ربي ..

ومب بس المدارس الحكومية .. حتى بعض المدارس الخاصة الانجلش فيها تعبان ..
انا ما اقول اجباري انجلش .. ترا ما اعرف فيه شي .. لانها للاسف صارت شي ضروري .. كل الناس ترمسها ناو


اختي فطيرة ..

كلامج حلو .. يعني اذا المناعج صعبه في حد بيستفيد غير اللي فوق ع قولتج .. والجهله واللي تحت طوول عمرهم بيبقون تحت

من هالمنطلق ليش ما يسوون 3 مستويات ..
عشان الكل يستفيد ..



بتقولون كلامه يتضارب كل مرة .. بس انا ما بينت رايي .. انا اعلق على آرائكم ..
واحاول افهم رايك عدل .. يمكن استفيد منه عقب ..

مروة الأسد
05-25-2011, 06:05 PM
السلام عليكم ورحمة الله وبركاته


’،

وخروووو سوريووه وصلت :::)

يسعدلي صباحك \ مساك دكتورناا :hehe:
متأثر الاخ وسادح موضوع يخص العلم خخخ

المهم نرد لموضوعنا اللي هو 12 سنة عبط << شدني الاسم ولفت انتباهي
اول شي بتكلم عن نفسي بما اني خلصت هالـ 12 سنة عبط على قولتك
احسس صدق كانت عببط خخخ :suae (36):
يعني الطالب شو عليه غير انه يدح وياكل فالكتب والنتيجة شي ثاني :suae (47):
عفكرة خلصت الثانوية وطمووحي بعيييد كلياً عن شي اسمه علم
كنت اطمح اتخصص ديكور , ديزاين , تصميم
يعني الشي ما يباله غير ذوق وشوية رياضيات مو 14 كتاب
شي يخصه وشي ما يخصه خخ وين الذكاء فالموضوع اننن
رياضيات على عنقليزي على عربي على دين على احياء وتاريخ
دخييلكم بس مافي سمات مشتركة بين المواااد خخخ :suae (36):
بس يلا مثل ما يقولون اكتساب ثقافة وجي اونه يعني
وفي بعض المعلومات حافظتنها لين يوومك اكيد 12 سنة مو عالفاضي
المهم اني اشتغل حالياً واللي درسته مول ما يخصه فالشغل
اما الدراسة مؤجلة حتى اشعارٍ آخر :::)

وبخصوص منااهج اليييوم " ربي يجعلها مناهج "
هاي مو مناهج هاي تحدي للطالب خخخ << لحد يشووفج اعصابج :kkk:
يعني يوم افكر ادرس اخوي بعد تفكيير طويل يعني
تنبط جبدي من كتبه اللي خذيته بصف عاشر ياخذه الحين وهو بصف رابع
اي مخ برئ يستوعب كتبهم وبعدين اسئلة الكتب ملعوب فيها للنخاع
مايدرون كيف يصيغون سؤال مبسط لطلاب الابتدائية :suae (47):
صدق مرات ماعرف للرياضيات ماله يعني اسئلة محد مستفيد منها شي :nsait:
ومسسسستحيل تكوووووون مفيدة فالحيااااة اصلاً
<<< ققققطعت الوزاااارة بتششرد
بسني احسني تفلسفت واايد
حبيت المووضوع
فكرته يعاني منها الكثيروون << ومازالت الفلسفة شغالة :suae (36):
يعطيك العافية عالطرح الغااوي وكثر من هالمواضيع :hehe:
ولك مني أحلى تقييم وشكر
لا خلا ولا عدم يارب

* اي تنقيعه تحصلونها انا مايخصني اوني منفعلة واكتب لول

Đ я . к а ι ƒ
05-25-2011, 06:13 PM
لا خلا ولا عدم يارب


استفدتي من العربي :p

المهم ..

كلامج صح .. وفلسفتج كشخه ..

نترقب الباقين ..

طبعا ماعندي تعليق ع كلامج ..

المدني
05-25-2011, 06:22 PM
Dr.Kaif :

انت كان سؤالك عن المناهج والدراسة ما كان سؤالك عن المدرسة , وانا تكلمت عن الدراسة ما تكلمت عن المدرسة.

و غير كذا مثل مالشخص له الحرية بالتعلم أو لا , كل من يطلب القوى عاملة (خصوصا الحكومة) له الحق بأنه يختار يقبل من ... يعني هم يحطون المتطلبات الي يبونها , عشان لا يشتغل كل من يسوى وما يسوى بنفس المستوى , الحين ما رح يقدر يوظفون كل الناس بشيء معين , فاكيد ما رح يعطون الفرصة الا لليستحقها , واكيد رح تكون للمجتهد الي عنده ثقافة اكثر.

ولا تنسى الثقافة هي التحدد مستوى المجتمع بالدولة , من نظري ,الجيش والشرطة بدولة الامارات وظيفة جدا مغرية , و برأيي ما تحتاج لمستوى تعليم عالي,لو كانوا يقبلون الناس ذي المستوى التعليمي المنخفض معظم الناس رح يدخلون الجيش او الشرطة لأنه رح يأمن مستقبلهم و من دون تعب, شرح يصير بالدولة اذا ...و بشو تستفيد من ذولي الناس ؟ <<< فلسفة زايدة صح XD

اتمنى اكون فاهم قصدك.

والله اعلم



كان هنا "المدني"

Đ я . к а ι ƒ
05-25-2011, 06:25 PM
ان شاء الله ما يستوي شي وتبقى بلادنا شرات ما هي .. الله يحفظها

صدقني وقت الصدقية تطلع الابداعات ..


كلامك صح .. بما تحتويه الكلمه من معنى

{سُـيّوفْ}
05-29-2011, 10:38 PM
السلام عليكم و رحمة الله و بركاته . . :D

ع فكرة لاحظت لك موضعين عن الدراسة ، :::)
شو متعقد الأخ من الدراسة ؟ :aa_france2: ؟

ع العموم بالعكس أنا أحب هالمواضيع ، خصوصاً أني طالبة !
الله يفكني بس . . و أخلص ، ههههه ! :e040:

،

الصراحة 12 سنة دراسة ، البعض يشوفهم وايـد ! !
إنت قلت شو بتفيدني الدراسة أنا بدخل طب شو فادني الرياضيات . .
و أنا بدرس تاريخ ، شو فادني الفيزياء ، ! :g_haa:

مثلاً لو قلنا كل شخص يختار المواد إلي تيوز له !
و إلي ما يعيبه يودره بس يختار إلي هو يباه في تخصصه في المستقبل . . :h_kekh:

أنت يوم بتعرس . . مثلاً مثلاً و بتييب عيال و فروخ صغار . . :yjlb:
و ياك ولدك و قالك باباتي ، كيف أحل هالمسألة ، :193:
و انت أصلاً لو نفر مختار مواد أدبية بس ، شو بتسوي بتتوهق ويا الصبي ؟ :h_shey6anah:

loolz . . السالفة مب سالفة أنهم مواد وايدة ! :aha bint:
أو إن بعض المواد مالهم فايدة ، أنت لو تلاحظ في أشياء يخصها في حياتنا العملية ؛
و بعدين ( و قل ربي زدني علماً ) !
شدعوى كارهين المدرسة يعني ؟ :h_rolleyes: أين طلب العلم و الكفاح . ؟ :::::)

يعني لو كلش تبون اطورون النظام التعليمي . !
و هذا لو إن شاء الله يعني بعد ما أتخرج من المدرسة ، :yjlb:
لأني مش عاوزة أصير فارة تجارب ، :kkk:

ليش ما يسون جي في المدارس قائمة فيها اختيارات متنوعة !
يعني مثلاً مجموعة ( أ ) فيها مجموعة معينة من المواد .. .
و مجموعة ( ب ) فيها مجموعة معينة تختلف من المواد ! ! *
لكن بشرط ما يكون في مجموعة كلها أدبي أو كلها علمي . . :afkr:
يكون مختلط بس بشكل يناسب ميول الطالب و قدراته ، :D
و بهيييييييييك .. انحلت المشكلة ! :::)

يمكن الفكرة يبالها صقل و بلورة ، و زيادة و تعديل ،
لكنها فكرة مبدئية !

ع العموم حبيت أبدي رايي في هالموضوع ! :ast7y2:
و في النهاية . . الإنسان بدون علم ، و دراسة و ثقافة . .
ما يسوى شيء .. : ) شدوا حيلكم ، :sml-40:
و حيلي وياكم بعد (fff)

سلام ، :)

آجــمـلْ آلفآتنـآتـۓ
05-29-2011, 10:47 PM
السسلام عليكمْ
شحححآلك خوويـہ !
تعععرف ان سؤؤالك دووم آفكر فيـہ :hehe: !!
كل مآ آتخخخبر مسس ما تجآوبنيـہ عليـہ .. عششآن جي انآ اعتقد ما منـہ فآيده

يعني بنقول مثلا [ رياضيات ، انقليزي ] نسستفيد منهن
بس الكيميأأإأإ و الفيزيأإأإأ و مادري شو :suae (20): آممموت و آعرف شو فآيدتهن
احسسهن موآد تعبآنـہ .. و اللي مكتشفنهن ما عنده سالفـہ

يعني اكيد ما بنسستخدمهن يوم بنششتغل و لا شي ..:nsait: بسس جي يعني معلومآتْ عآمـہ
ولا حآبيين انكم تصيرون علماء نيوتن لوول

مرآقبـہ الردود بصصصمت --"

ēŀ . α м έ ε я ạ
05-29-2011, 11:07 PM
آلسّلآإمُ عَـليَـكمْ وُ رَحمَـة الله وُ بَـرَكَـآتِه .

سُـبحَـآنَ الله ، مُـوضُـوع قَـبِل فَـترَه بَـسِيطَـه كِنّـآ نِـرمِس فِـيه أنَآ وُ ربِـيعتِـيْ .
وُ كِـل وِحدَه لِـهَـآ رَآي .


الأجَـآنِـب مَـآعِـدهِم تِـدرِس كِـل مِوَآد آلعَـآلَم !
عِـدهِـم مِـدَآرِس مِـتخَـصصَه فِ شَـي وَآحِـد مِن آلتّـأسيـسِي .
بحِـث آلطّـفل يـبدى يـرَكّز عَ شَـي وَآحَـد لِـين يِـكبَـر ،
عَـسَب جِـيه إنحَـصّل إللـي متخَـرّج مِن آلجَـآمعَه وُ عِـمرَه 14 - 17 .
وُ بتَـخَصّـصَآت صَـعبَه مِـثِـل : فِـيزيَآ - هَـندِسَـه نَـوَوِيّـه - عِـلم جِـينَآت - علـم ذرات . . إلخ

وُ تِـظهَـر عِقُـول نَـآبغَـه ، لِ أنهِـم صَـقَلُـوهَـآ مِن آلصّـغَر .

كَـآن رَآيي إنّـآ مَـآ نِـستِـفِـيد مِن كِـل هَ آلمَـوآد ،
يَـعنِي مَـثلاُ إللّـي بَـيِدخَـل طِب ، شُـوه بَـيِستِـفِيد مِـن آلتّـآرِيخ إللّـي تَـم يِـدرِسَـه مِن 6 لِـين 10 . أربَـع سنِـين ؟
وُ إللّـي دآخِـل هَـندِسَـه شُـوه بَـيفِـيدَه آلجُـغرآفيَـآ . آلقَـآنُـون شُـوه يخِـصّه بِـآلكِـيميَـآ ؟
إللّـي يِبَـآ عِـلم نَـفس لِـيش يضَـيّع وَقتَـه فِـدِرَآسَـة آلفِـيزيَـآ ؟ . . وَ هَـكَـذا !


رَدهَـآ : أنَـآ لَـو مَـآ دِرَسـت تَـآرِيخ ، عِـمرِي مَـآ بَـعَـرف عَـن آلحَـضَـآرآت ،
مَـآ بَـعَرف شُـوه سَـآلفَه آلحَـرب آلعَـآلمِيّـه وُ شُـوه هِـي أصلاً .
لَـو مُـب مَـآخذَه عَـرَبِـي أبسَـط آلأشيَـآ بَـكُـون جَـآهَله فِيهَـآ ،
حتّـى فِ بَـآجِي آلمَـوآد مَـآ بَعَـرف فِيهِـن شَـي لَـو مَـآ دَرَستِـهِن !

إحنَـآ لآزِم نَـآخِذ مِـن كِـل عِـلم ، عَـسَب إنكُـون مُـلِمّـين !

.

حَـقِيقَـه : آلدّمَـآغ آلبَـشَـرِي مَـآ يِـقدَر يِـرَكّز إللآ فِ شَـي وَآحـد ،

بَـعِدنِـي عَ رَآييْ ، مَـآ بَـطّلعُـون عُـلَمَـآء بِهَالـطّرِيقَـه ،
الشّـآفعِـي كَـآن يِـدرِس آلحَـدِيث وُ آلفِـقه مِن يُـوم كَـآن صغِـير ،
مَـآ دِرَس فِـيزيَـآ وُ كِـيميَـآ وُ أحيَـآ زيـآده ع آلفـقه و آلحـديث ، وُ نَـبَغ !

لَـو إتلآحظُـون أغـلب عُـلمَـآء آلتّـآرِيخ إتخَـصّصُـوآ فِ شَـي وَآحَـد ، أو أشيَـآء جِـرِيبَـه من بَـعِضهَـآ ،
مُـب تَـآرِيخ وُ كِـيميـاً مَـثلاً ، هَـآ بشَـرق وُ آلثّـآنِي بغَـرب !
عَـسَب جِـيه أبـدِعُـوآ وُ إختِـرعُـوآ ، وُ نَـجحُـوآ !

هـآ مَـآ يِـمنَع إتكُـون فِـيه حَـآلآت خَـآصّه دِرسَـة علُـوم مِتفَـرقَـه ،
لَـكِن أعِـيد ، هَـآي حَـآلآت خَـآصّـه مـآ إنوِجـدَت بسهُـولَه ،
وُ مُـب مَـعقُـولَه كِـل آلشّـعُـوب آلعَـرَبِيّـه ( حَـآلآت خَـآصّه ) !!

حَـسّيت مِـن كَـلآم ربِـيعتِـي إنّ مَـرحَـلة آلمَـدرِسَـه هِـي مَـرحِـلَه إثـرآئِـيّه ،
تِـكسِـبَك مَـعلُـومآت عَـآمّه فِ كِـل آلمَـجآلآت ،

لَـكن : هَـل آلمَـعلُـومآت آلإثـرآئِـيّه تِـستَـحِق تَـآخِذ مِـن عِـمرَك 12 سِـنَه ؟

.


مَـوضُـوع وُ فِـكرَه جَـمِيلَـه ،
لآ هِـنت أخُـويَه عَ آلطّـرح .


(fff)

Đ я . к а ι ƒ
05-29-2011, 11:09 PM
اختي سيوف واختي ميمي ..


اكشر تواجدكم .. وليش الصمت يا ميمي

اما عن ان مواضيعي كلها دراسيه .. لاني مستانس بخلص وبفتك


يزاكم الله خير ع المرور الطيب .. ولا عدمناه ..

Đ я . к а ι ƒ
05-29-2011, 11:14 PM
اختي الاميرة ..


ما شاء الله عليج

كلام طيب وموزون .. ما عندي تعليق ..

وجهة نظرج فيها صحه ووجهة نظر ربيعتج فيها صحه ..

اما عن سوالج ..

هل 12 سنة اثرائية ..

نحن نلتزم بحديث الرسول ( اطلبو العلم من المهد الى اللحد .. سواء شو كان ..)

لو الواحد خذا من كل بستان زهره .. ولا انه يدخل بستان ويحترق عليه ..

هذي هي الفكرة ..


والموضوع هذا وااايد اراء فيه ..

بس ما شاء الله ..

هني في سمانا .. حصلت ناس :7btain:

حياكم الله بموضوعي ..


ونستوني بمشاركتكم ..

بروكِن هيرت
05-29-2011, 11:52 PM
السسلآم عليكم والرحمه ..


الصرآحه الموضوع حمآسسي ,,
والمنآقششآت اتحمس الوآحد ..



(اطلبوا العلم ولو فـ الصصين ..)
هـ الكلآآم دلييل على أهمييية طلب العلم ,,
ولآ مآصصصآر عندنآ علمآآآء ..
وشي ششخصيآت كانت اتحب طلب العلم لـ دررررجه فضضيعه ,,
مثل اسد بن الفرات ,, الإمآم جآبر بن زيد رضي الله عنه ..
و الاصمعي من كثر مآ اهوا ششغوف في طلب العلم ,,
كان كل مآ يظهر من بييته ماسك ورقه وقلم ,, لعله يجد اي علم ينتفع به ..
انتوا اتخيلوا .!! (( اليوم بنت كآن عرض تقرييرها عنه واسستفدت من المعلومه هيع :::)))
الششخصصيآت القبلييه كآنوا ششغووفيين فـ طلب العلم ,,
وألحيين نحن نتذمر من هـ الششي .!!
يمكن لأأن المجتمع إللي نحن عايششين فيه ألحين جيه ,,
مشش مهتم وآآيد فـ العلم ,,
والمدرسسه إللي انروح لهآ على اسسساس نتعلم فيهآ ,,
مآصصآرت مكآن للتعلييم كثر مكآن للتذمر .!!
ان متى بنخلص ,؟؟
متى بتفتك ؟؟
ومتى ,, ومتى ,, ومتى ..
كل هذا عسب الانظمه إللي امسسوينهآ ..
>> مآ بندخل فـ السسيآسه ..

المهم ,,
انرد لـ محور حديثنآ وآيد رمست خخ ..
مش شرط انا ادرس 12 سسنه ,, وعقب مآ رآح اسستفيد ,,
امنو قآل ؟!؟
بـ العكسس ,,
فـ مجآل الششغل ,, ممكن اني اسستفيد..
مشش شرط انا اصصير مهندسسه ,, ما ااعرف إلا فـ الهندسسه ,,
ومشش شرط انا اصصير ادييبه ما اعرف ششي إلا فـ الادب وفـ اللغه العربيه ..
هـ الششي غلط ..
انته كيف بتكتسسب خبرآت فـ الحيآه ؟؟
كيف بتتعلم ؟؟
كيف وكيف وكيف ؟؟
لكن المششكله ,, إن المنآهج هي إللي اتخرب على هـ الـ 12 سسنه ,,
ايوون ايترجموون منهج اجنبي وايدرسسونا نحن ليشششش :nsait:
على الاقل ايتعبون اعمارهم ويتلحلحون وهم ايسوون كتب ,,
مش ايبوون كتاب للكييميآ اجنبي, ,
وايترجموونه حرف حرف ,, كلمه كلمه ,, جمله جمله ,, فقره فقره ,, صفحه صفحه .. >> بسج خخ ..
جييه ششي طبيعي نحن بني انذآكر ما انعرف ششو انذاكر .!!
ما انعرف المهم من المشش مهم .!!
وبيختبص مخنآ فهـ الحآله ..


المهم ,,
أختصصر كلآمي بعد هـ السسوآلف إللي سسولفتهآ وخربط فيهآ فوق ..
ان هالـ 12 سسنه ,, إللي رآح تتلقون فييهآ علم ,,
كفآيه انكم اتحصصلون اجر على هـ الششي, ,
ومن بعدهآ هـ المعلومآت انتوا تسستفيدون منهآ ,,
محد ايقول مآ رآح نسستفيد ..
لآ رآح تسستفييدون ,, اذا مشش ألحين يوم تكبرون ..
والحمدالله على كل حآل ..
نحن اهنييه كل شي موفر لنآ ..
شي بلدآن يتمنووون بسس ايعرفون يكتبون ويقرون ..
شوفوا غيركم واحمدوا ربكم على هـ النعمه ..
واطلبوا العلم .. لآ تسستهيينون فهـ الششي. .



احييم وآآيد هذذربت ..:ast7y3:



السسموؤحه ..

Đ я . к а ι ƒ
05-30-2011, 12:42 AM
ما شاء الله عليج ..


يبتي كل جوانب الموضوع .. :suae_161::suae_161:


استمري والرب حافظج ..

єℓ.7αśђяαjα
05-31-2011, 10:07 AM
حلو طرحك ..:)

موضوع تناقشنا فيه لمـآ دشينا الجامعة .!

عقب ما خلصنا الثانوية استناسنا ع أسآآآس إنه بنروح الجامعة ..

لكن انصدمنآآآ إنه كل اللي راح من حياتنا ما استفدنا منه شي أبد

بس حبيييت أنوه ع نقطة معينة ...

أنا أدرس بزنس .. الشي الوحيد اللي خذته من السكول يمكن المآآث ..

بس هذا مش معناااته إنه الـ 12 سنة مش مفيدة تماما ..

هي قاعدة تعطينا خلفية عن علوم وايد ..

تخيل لو كنت في المجتمع ما تعرف إنه الـ DNA مهم للتعرف على البصمات ..؟!!:suae (47):

شو شعورك و انته ما عندك خلفية عن موضوع معين ..

أنا أشوف انه ها الشي ضروري لو ما رح نستفيد في جامعاتنا و لا دواماتنا ..

بس محتاجين إنه نكون متفتحين على الأشياء الل حولنا ..

و بس

Đ я . к а ι ƒ
05-31-2011, 12:43 PM
كلامج طيب .. وعين الصواب ..



بس مش كل المعلومات نستفيد منها ..

لو خلوها 7 سنوات معلومات .. والباقي تخصص ..

او 10 اثرائية والباقي تخصص احسن ..


شكار لج مشاركتج ..


ولا عدمناها ..

perla
05-31-2011, 12:51 PM
انا معاك ومب معاك
معاك لاني طالبة و احس خخ
بس مب معاك لان بصراحه انا للحين ما اعرف شو ابى
هم يمنحون الطلاب فرص يوم يعطونهم 14 كتاب
فرص عشان يقررون شو يبون ولا شو يختارون ..الخ...
يعني الحين انا فمعهد ، فهالمعهد على طول نتخصص عشان مثل ما قلت المواد الثانية ما بتفيدني فهم يعطوني مواد التخصص الي اخترته و بصراحه احس انه غلط المفروض يعطونا كل المواد عشان يكون عندي مجال ،
فمعهدنا الي متخصصين هندسة ما يدرسون احياء و المواد المتعلقه بالطب وهالشي غلط لانه ممكن لو درسوا احياء يعيبهم و يتخصصون طب ،
و الناس كل مرة تغير رايها انا يوم كنت ياهلة كنت ابا اكون دكتورة عقب قلت ابا هندسة معماريه عقب قلت هندسة طيران و الحين رديت ع الطب و احس مرات اني ابا اكون سفيره
يعني الواحد ما يعرف هو شو يبى بالضبط و الاحسن ان يخلونا ندرس كل المواد عشان نجوف نحن شو نبى نجوف درجاتنها تناسب نجوف بننجح فهالتخصص، فهالشغل
ومثل ما قال الاخ "المدني " ما شي مانع ان الواحد يتثقف و يستفيد يعني انا ممكن اغير تخصصي الحالي الي هو الطب بس الصراحه استفدت وايد منه تعلمت كيف اتحمل ضغوطات الحياه، تعلمت كيف اسيطر على وزني انظم ستايل حياتي ، تعلمت كيف اتفادى الامراض الي موجوده و ينصدم الواحد يوم يعرف عن الامراض الموجوده و طريقة اصابتها للشخص و ها بيفيدني فالمستقب يوم بيكون عندي يهال ان شاء الله :ast7y3: ، بعرف كيف اتعامل وياهم كيف احميهم و وآآآآآيد اشياء.

مختصر كلامي الواحد يتعلم مهما كان بيفيده ما بيفيده المهم يتعلم و انا شخصيا احب العلم و افضل انهم يبقون مجال واسع للطلاب.

Đ я . к а ι ƒ
05-31-2011, 12:56 PM
انا ما اختلف وياج من ناحية الثقافه ..


بس مب 14 كتاب .. الطالب شو بيستفيد ولا شو بيستفيد ..

الحين استوى الطالب من يطلع من الامتحانات ينسى نص المنهج .. استفاد شي منه


نصه راح .. ومع مرور الزمن والمواد .. ماشي فايده .. شو استوى ( هباء منثورا )

انا ما قلت ما يعطونهم بشكل عام ..

يعطونهم لين 10 .. وعقب الواحد لازم يسوي له حطة استراتيجيه .. لحياته .. مب يمشي ع البركه ..

طبعا لو الواحد يتله ظروف هذا شي ثاني .. بس كم نسبة اللي بتيلهم ظروف .. 10%

نضحي ب10 .. ونوفر 90 يطلعون شرات العسل ..

هذي هي النقطه


شاكر لج وجودج الطيب .

لا تحرمينا طلتج

قـَلبّ شـغـَوفَ
05-31-2011, 01:28 PM
وعليـكم السسـلـآم ورحمة الله وبركـآته ,


من فتـره أدش الموضوع وأطلع أدش وأطلع
متآبعه الموضضوع خخخخ :::)


،

والله ببصـرآحه بخصـوص موضوعك المميز:^^:,


عآدي تتـعلمـوو وأستفيدوو ما بتخسرون شي معلومات حللوه ع المخ والمخيخ :::)،

مب لـآزم تدروسن للكليه أو الجآمعآت موآد محدده ..

بمعنى أنكم الموآد الي درسسـتوهآ في المدرسسه لـآزم لها تكمله في الجآمعات والكليآت .!:ast7y3:

عييل لـطلـعتو برى تكملون درآسستكم .!!

تختلف الدرسه نهائياً عن مدارسنآ وجآمعتنآ بعد بتقولون عبط وتحتشرون :suae (47):


،

مآدري من رأيي أحسسـه شي طبيعي جداً :sd5_4881:


/


تعليقي ع سؤالك :

في درروسس كثثييـره أسستفت منها جداً مب الكتآب كآمل
في دروس ممله أحس مآلهآ أهميـه .!
بحيث نتنآقش في موآضيع دينيه , جغرآفيـه , علم النفس وغيرها مواد في حيتنآ اليوميه مب لآزم العمليه والعمليه !!:sd5_4881:
لصآدفنآ موقف في حيتنآ علمي شي طبيعي بيرد تفكيري لآيآم المدرسسه
بنقول : هييييـه أذكر هذا الشي درسناه ويا المعلمه مثلاً أسمها نوره ونحن نكمل في الموقف إلى درسنآه، بعدين كذا كذا يصير وهذا مب زين / وإذا صآر جي بيتطلع النتيجه جييه.:=P1:


إذا بصرآحه تحسون ما تنفعكم الـ 12 ومالها أهميه يبآ من حد ينزل لكم الموآد الجآمعييه بحجمها الفضيع وتدرسونها وبالنسبه للجآمعه منآهج أششد من المدرسه :::)


وبث(fff)


أعجبتي ما قمت بطرحـه:^^:

أنتظر موضوعك القـآدم بفآرغ الصصبـر :suae (64):

Đ я . к а ι ƒ
05-31-2011, 05:05 PM
ثكرا جزيلا ..

ههههههههههههههههههههههه

مادري ليش احس كلامج كسر كلام الباقين ..

يمكن لانه من طابع تجربه وجي ..

تسلمين اختي ..

ولا تحرمينا هالطلات

Silent King
05-31-2011, 05:30 PM
السلام عليكم ورحمة الله وبركاته

يسعد الله أيامك بكل خير أخوي,,,

حبيت موضوعك الطيب,,,

للأسف صاير التعليم مجرد حشو من غير ما يستفيد الطالب منه ,,,
يعني لإزم تكون الدراسه توافق سوق العمل وتوافق لاوزام الحياة,,
وأبسط مثال على هالتطبيق هم اليابانيين دراستهم مرتبطه أرتباط كبير بحياتهم ,,
وأقرب شي بعد الزلازل وتسونامي إلي صار لهم من إلحين بدوا يعلمون عيالهم
كيف ممكن يتجاوزون هالمحن وكيف يتصدون لها,,,

ونحن هنا في دولنا العربية والخليجية بالأخص,,,
نعتبر مخ الطالب حقيبة مدرسية نحب نشوفها مليانه,,
حتى لو كان الجوهر فاضي من غير إي معنى,,,
يعني ليش ما نأسس الطالب من أول شي على التخصص إلي يحبه!؟
ليش نقتل روح الطموح والإبداع إلي فيهم بكلام ماله إي قيمة,,,
يعني من أول ما يوصل مرحلة الأعدادية نبدا نأهله ونوجهه للمسار إلي هو يباه,,,

أنا مثلا دارس هندسة بتروا كميائي بس للأسف دراستي ف صوب وشغلي في صوب ثاني اللوم على إلي جبرني أشتغل هالشغل بس أول ما تخرجت برع حصلت شغل لتخصصي ويزيد من معلوماتي في هالمجال وهذا برع في دول غربيه مب هنا بس هنا دايما يكون العكس,,,

أتمنى من كل قلبي أن يوجد وعي في التعليم والمعلمين لأن يد وحده ما تسفق
ودمت سالم بن عمي
007

مُخمليّه
05-31-2011, 06:16 PM
السلام عليكم ورحمة الله وبركاته

يسعد الله أيامك بكل خير أخوي,,,

حبيت موضوعك الطيب,,,

للأسف صاير التعليم مجرد حشو من غير ما يستفيد الطالب منه ,,,
يعني لإزم تكون الدراسه توافق سوق العمل وتوافق لاوزام الحياة,,
وأبسط مثال على هالتطبيق هم اليابانيين دراستهم مرتبطه أرتباط كبير بحياتهم ,,
وأقرب شي بعد الزلازل وتسونامي إلي صار لهم من إلحين بدوا يعلمون عيالهم
كيف ممكن يتجاوزون هالمحن وكيف يتصدون لها,,,

ونحن هنا في دولنا العربية والخليجية بالأخص,,,
نعتبر مخ الطالب حقيبة مدرسية نحب نشوفها مليانه,,
حتى لو كان الجوهر فاضي من غير إي معنى,,,
يعني ليش ما نأسس الطالب من أول شي على التخصص إلي يحبه!؟
ليش نقتل روح الطموح والإبداع إلي فيهم بكلام ماله إي قيمة,,,
يعني من أول ما يوصل مرحلة الأعدادية نبدا نأهله ونوجهه للمسار إلي هو يباه,,,

أنا مثلا دارس هندسة بتروا كميائي بس للأسف دراستي ف صوب وشغلي في صوب ثاني اللوم على إلي جبرني أشتغل هالشغل بس أول ما تخرجت برع حصلت شغل لتخصصي ويزيد من معلوماتي في هالمجال وهذا برع في دول غربيه مب هنا بس هنا دايما يكون العكس,,,

أتمنى من كل قلبي أن يوجد وعي في التعليم والمعلمين لأن يد وحده ما تسفق
ودمت سالم بن عمي
007



اخيراً حد قال اللي ابااا اقوله :::)

α ч σ ω м α н
05-31-2011, 07:20 PM
واخيييرا مابغيت اوصل لآخر رد هههههه
نص الردود طوفتها :suae: الاخت مسستعيله تبا تقول رايها ،

هالقضيه كل يووم اتكلم عنها
انا تخرجت والحين ادرس بزنس معني كنت طالبه علمي :::)
درسسست اششيا وايده خلال 12 سسنه
يوم اعصصب اقول ماستفدت شي وضاعت 12 سنه ع الفاضي
بس يوم ايلس شوي وافكر
اذكر اني تعلمت الرياضايت والانجليزي والعربي ششوي :::) والدين اللي فييه قصص الرسول عليه الصلاه والسلام
و و و وايد اشيا استفدت منها الحين ف حياتي وكانت اضافه حلوه حق معلوماتي العامه
بس العله الكبيره انه ف المناهج وايد معلومات زياااده مالها اي داعي او ماظن ايي على بالنا نستخدمها في حياتنا
والشي اللي قاهررني ، المناهج اليديده اللي ابد اببببدد مب تعليميه
مب شرات مناهجنا القبليه اللي صصدق كانت تعليميه ونحب ندرسسها
وصصدق الله يعيينهم اللي يدرسسونها الحين -_-"

انا اقول لو يغيروون ششوي من نظام الدراسه >> بدت تتخيل :suae (64):
يعني لو يخلون المرحله الابتدائيه مرحله تأسيسيه حق الطالب
يعني مب هم يبون عيالنا يعرفون انجليزي ، خلاص من الابتدائي خل يعلومنهم انجليزي + رياضيات ويكون بس الاشيا الاساسيه جمع طرح وغيره + الدين التجويد والايات والاحاديت وقصص الرسول عليه الصلاه والسلام + العلوم يكون اشيا تخص الحياه ، مب يتعمقون ف باطن الارض ويعقدون بالصغاريه =_="

انزين واني فالمرحله الاعداديه
هني يبدون يعطونهم المواد الباقيه بس تكون بشكل عام و مبسسط مثلا التاريخ
يعطونهم اشيا تاريخيه مبسسطه ، مب شو سوا فلان ومتى صار هالشي ،
يعني يعطونهم اشيا صارت فالحياه واثررت على العالم مثل هتلر =_= اتخرجت من المدرسه ولا درسوني ياه @@ احتج الصراحه ابا اعررف عنه هههههه

وفالثانوي ، يعطون الطالب المجال انه يختار المواد اللي بتختص ف مستقبله
مثلا انا ناويه اصير دكتوره ، ف آخذ المواد اللي تخص هالشي فقط لا غير ،


وبجي يكون الطالب ضامن مستقبله اكثر ولا شو رايكم :suae (36):


واايد خربطت :=P1: بس شسمه اوني يعني اقول رايي :ast7y:

متابعه ل ردودكم ولي باك بإذن الله (fff)

Đ я . к а ι ƒ
05-31-2011, 07:49 PM
يااااا ربااااااااااااااه .. :suae (38):



كل هؤلاء في موضوعي .. مازا افعل >>> حسيت فلم هندي


اشكركم جميعا .. آراء وكلام طيب .. لاتعليق على كلامكم ..

تسلمون عالطله .. :cute:


ترقبو الموضوع الياي ..

єℓ.7αśђяαjα
05-31-2011, 09:48 PM
كلامج طيب .. وعين الصواب ..



بس مش كل المعلومات نستفيد منها ..

لو خلوها 7 سنوات معلومات .. والباقي تخصص ..

او 10 اثرائية والباقي تخصص احسن ..


شكار لج مشاركتج ..


ولا عدمناها ..


عيآل المدآرس صعب تقتنعون ..!

مثلي بالضبط لمآ كنت ف 2 ثانوي ..لما المس مالت الجغرافيا ..تقول إنه النظرية المتخللفة اللي تقول انه الانسان كان قرد و جيييه و انا كنت اعصب و اقولها مب معقولة أبونا آآدم كآآن ما يلبس ملابس و الدليل القرآن ..

المهم ما علينآ ..



ناخذ الموضوع من أول ما ادش السكول ..

يعلمونك إنه 1+1 =2 ..
وا ستفدت لثلاث سنين جدام إنه ها الشي مهم ..
لما قالوا لك إنه الإنسان كآئن حي ياكل و يشرب و يتكاثر ..
و كملت لآخر سنة في المدرسة و انته متعقل لها الشي ..

بس في يوم بتتسآءل أكيد ليش كآن 1× 1= 1 بدل اثنين .!!
و مليون علامة تعجب تحووم فوق راسك بس عسب تعرف إنه ها الاكس اللي بين الرقمين معناتها ضرب ..
و أكيد ف يوم تسآءلت ليش أنا جيييه جسمي ..فيه ريل و ايد ..رغم إنك بس درست إنك انسان لازم تاكل ..!

و كل ها الأشيآ تعود للي خذته من الصغر إلين ما تطلع من المدرسة و انته تقول شو بنستفيد ..!!!

بقولك إذا كنت طالب علمي ..و ماخذت علم نفس و الا اجتماع ؟؟
بالذمة تعرف شنو يعني الفطام النفسي .؟
و الا السيكوباتية ؟

بالطبع لا ..!!!
المفروض .. حتى عيال العلمي يعلومنهم بها الأشيا ..<< تراني بنت أدبي ..
يعني بالمختصر أخوي الصغير .. لازم تقتنع إنه لو مخا كان مهم ما رح يكون في اطار حيآآتك ..<< تراني أنا الا السنة الماضية طالعة من السكول لا تخاافون ..هههههه


و تبقى وجهة نظر ..!

..فتنة الكون..
06-02-2011, 06:19 PM
لا حياتي ..~
المدرسة لما نسير لها من وانا صغيرة ..~
المدرسة بالنسبة لي ~> مكان لتعليم ..~:suae (64):
واستفيد منها و اعرف اتكلم انق واعرف عربي ..~
اعرف احسب واعرف القوانين ..~
والطرق السهلة للحسان ..~
اعرف ان الزهرة لها اعضاء ..~
وان الانسان نفسة مركب من اعضاء ..~
وفية شيء اسمة فيروسات وبكتيريا ..~
اعرف اتلو القرآن واجودة ..~
واعرف وش كان يقول الرسول علية افضل الصلات والتسليم ..~
واعرف تاريخ الدول الاوربية والعربية ..~
واعرف الحدوود لكل دولة ..~


ياخي المدرسة حلووة كثيير ..~
اذا حبيتها تحبك ,,~

مع العلم ..~
اعرف ان كل اللي يقرا هالكلام يقول ..~
شكل البنت اللي ورا الشاشة ..~
شأآإأإأآأأإأآأإأآطرة ..~
بسسس ..~
مع الاسف ان انا مستواااي ..~:suae (12):
عآأإآأإأآأإأآدي ..~
..~
حبتيين لعب ف المدرسة ..~:7btain:
ارفع ضغط كل مس ..~
والعب بالبنات ..~:hehe:
وادووخ بالبويات ..~
..~

ع العموم ..~
تقبلي طلتي ..~

Yuiko
06-17-2011, 12:58 AM
-


مَرحبـا مليَـونِ أخويَـهِ ’

نَـعمِ هالسؤالَ كانَ يدورَ ببالـيَ منَ جمنَ يومَ نحَـنِ ليشَ ندرسَ
هالاشياءَ 12 سنَـهِ :::) ، وبالاخيرَ مابـيَ فالـ’
الجامعَـهِ او الكولجَ اليَ بنحدرهـاَ لكنَ هالتفكيرَ خاطئَ نحنَ لزومَ نستفيدَ من
هالاشياءَ اليَ درسناهـاَ ونطبقهاَ فيَ حياتنـاَ مبَ بسَ

بالدراسَـهِ ، ووايَـدِ اشياءَ بتفيَدك جانكَ بتخصصَ مدرسَ علومَ
أوَ جلوجياَ وهالسوا ا لفَ بتستفيدَ من اليَ
شرحـهَ لكَ الاستاذَ لكَـنِ صحَ البعضِ يكونَ فكرهَ بعيدَ وماهوَ بحاجهَ الىَ هالدروسَ
اليّ خذاهاَ 12 سنَـهِ من يخلصهنَ علىَ طولَ جيشَ أوَ شرطهَ :suae (36): ’


-

شـكراً لكَ اخويَـهِ . .
(fff)